Croeso i Ysgol Gymraeg Y Fenni
"Dysgwn fel teulu, tyfwn fel cymuned"
Ar ran ein holl blant, staff a llywodraethwyr, rwyf wrth fy modd yn eich croesawu i wefan Ysgol Gymraeg Y Fenni – ysgol Gynradd Gymraeg llwyddiannus sydd wedi’i lleoli wrth droed y Deri. Dros y 30 mlynedd diwethaf, mae cymuned ein hysgol wedi ffynnu a thyfu, gan arwain at y penderfyniad i symud i’n cartref newydd ar Lôn Llwynu. Mae ein staff ymroddedig wedi ymrwymo i ddarparu profiadau dysgu cyfoethog o safon uchel, sy’n tanio chwilfrydedd, yn ysbrydoli dychymyg ac yn datgloi potensial pob plentyn. Ein nod yw meithrin dysgwyr hyderus ac annibynnol sy’n datblygu cariad gwirioneddol at ddysgu – cariad sy’n para am oes. Mae ein cwricwlwm yn dathlu ein treftadaeth, ein hiaith, ein diwylliant a’n hardal leol. Mae ymdeimlad cryf o hunaniaeth Gymreig wrth wraidd popeth rydyn ni’n gwneud, gan helpu ein plant i ddatblygu cysylltiad ystyrlon â’u hiaith, eu cymuned a’u diwylliant. Rydym yn ymdrechu i ddarparu cwricwlwm eang, cytbwys a deniadol sy’n galluogi pob plentyn i ffynnu. Trwy ddysgu academaidd, creadigrwydd, cerddoriaeth, chwaraeon a phrofiadau diwylliannol, rydym yn annog pob disgybl i ddarganfod eu cryfderau a chyflawni eu gorau glas. Mae ein plant yn garedig, yn ofalgar ac yn dangos parch, rydym yn ymfalchïo’n fawr yn eu cyflawniadau, eu hunigoliaeth a’r cyfraniad maen nhw’n gwneud i gymuned ein hysgol. Rwy’n teimlo’n hynod ffodus o fod yn rhan o ysgol mor rhyfeddol. Os ydych yn ystyried Ysgol Gymraeg Y Fenni ar gyfer eich plentyn, neu os hoffech wybod mwy am ein hysgol, cysylltwch â ni. Byddem wrth ein bodd yn eich croesawu ac yn dangos i chi pam mai Ysgol Y Fenni yn lle mor arbennig.
Dymuniadau gorau,
Rachel Davies
Pennaeth
Newyddion a Digwyddiadau